Hogaamiyaha Raskamboni Axmed Maxamed Islaam Axmed Madoobe oo ka hadlayey weerarkii shaley loo geystey ayaa sheegay in maamulkiisa ay ka go’antahay sii wadida dagaalka ay kula jiraan Ururka Al Shabaab inta ay ka gaarayaan hadafkooda ku aadan ka guul gaarida dagaalada ay kala horjeedaan Al Shabaab.
Axmed Madoobe ayaa tilmaamay in Al Shabaab is aaminaadii dhexdooda ay burburtay isagoona tusaale usoo qaatay dilkii Abuu Mansuur Al Amriiki, oo la sheegay in ay dileen Al Shabaab.
Axmed Madoobe ayaa sidoo kale sheegay qaraxii shalay lala eegtay aysan wax khasaaro ah kasoo gaarin walow Al Shabaab ay sheegeen in khasaaro dhimasho iyo dhaawacba isugu jira ay gaarsiiyeen wafdigii Axmed Madoobe uu higaaminayay.
Hadalka Axmed Madoobe ayaa kusoo beegmaya xili maalinnimadii shalay Kismaayo qarax lagula eegtay wafdi uu isagu la socday oo maalmihii dambe Muqdisho ku sugnaa.
Daafeet.Com