Ergeyga gaarka ah ee Xoghaya guud ee Qarama Midoobay u qaabilsan Soomaaliya Nicholas Kay ayaa maanta war-saxaafadeed ka soo baxay xafiiskiisa ku sheegay in loo baahan yahay in la horumariyo xorriyadda saxaafadda Soomaaliya.
Nicholas Kay ayaa tilmaamay in uu hoos u dhac ku yimid tacadigii iyo dilalkii qorsheysnaa ee loo geysan jiray weriyeyaasha, balse loo baahan yahay dadaal dheeri ah si meesha looga saaro dhibaatooyinka loo geysto.
Wuxuu ammaan u jeediyay wariyeyaasha Soomaalida ah ee u dhabar-adeygaya dhibaatooyinka loo geysnayo xilliyada ay waajibaadkooda gudanayaan.
Hadalka Kay ayaa imaanaya xilli maanta caalamka looga dabbaal-degayo maalinta xorriyadda saxaafadda adduunka.
Daafeet.Com