Agaasimaha Warbaahinta Daafeet.com Yaasiin Abiikar Cali ayaa maanta Hooyada dhashay Mujaahidkii Koonfur Galbeed Xasan Aadan Keerow gaarsiiyay Deeq isugu jirtay Raashiin iyo Lacag uu ugu tala galay in ay kaga qeybqaadato Farxadda Munaasabadda Ciidul-fidriga.
Wariyaha Caanka ah Abshir Maxamed Nuur (Mandeela) oo loo wakiishay Deeqdaan ayaa Maamada Koonfur Galbeed Soomaaliya Maama Xabiiba Ibraahim Xasan gaarsiiyay Deeqda.
Maamada Koonfur Galbeed Xabiiba Ibraahim Xasan ayaa Agaasimaha Warbaahinta Daafeet.com uga mahadcelisay deeqda uu soo gaarsiiyay.
Ayadoo ay foodda nagu soo hayso Ciidul Fidriga oo ah maalin Farxadeed ayaa Deeqdaan waxa ay farxad gelineysaa Hooyada Koonfur Galbeed Soomaaliya Maama Xabiiba Ibraahim Xasan ee maanta nasiibka u yeelatay inay Farxadda Ciida la qaybsato Hooyooyinka kale ee Ilmahooda la Ciidaysanaya.