Diyaaradaha darooniska ayaa saaka aroortii hore waxaa ay duqeyn ka geysteen gaari ay la socdeen saraakiin ka tirsan alshabab oo ku sugnaa gobolka gedo kaasoo geystey qasaaro iskugu jirta dhimasho iyo dhaawac.
Labo Sarkaal oo Al Shabaab ka tirsan ayaa la sheegayaa in duqeyntaasi lagu dilay inkastoo khasaaraha intaasi uu ka badan karo, balse wararka soo baxaya ayaa xaqiijinaya in labadaasi Sarkaal ay dhinteen.
Warbaahinta ayaa tabinaysa dhawaqa gantaalka diyaarada ay riday in lala helay kolonyada gaadiidka ah, sidoo kale dhawaqa gantaalkaasi ayaa laga maqlay guud ahaan Degmada Baardheere iyo deegaanada kale ee ku dhaw dhaw.
Si kastaba arintu ha ahaatee ma aha markii ugu horeysey oo uu dhaco weerar noocan ookale ah isla markaana ay wax ku noqdaan qaar ka tirsan saraakiisha aslhabab.