Ra’iisul-wasaaraha Soomaaliya Cumar Cabdirashiid ayaa maanta oo Jimco ah kula ciiday magaalada Garowe boqolaal kamid ah dadweynaha degmadaas oo maanta u dabaal-degayay munaasabadda Ciidul-Fidriga.
Ra’iisul-wasaare Cumar oo ay dhinacyada ka taagan-yihiin madaxweynaha maamul goboleedka Puntland Cabdiwali Maxamed Cali Gaas ,Axmed Madoobe iyo mas’uuliyiin ka tirsan maamulka gobolka Nugaal ayaa salaaddii Ciidda ku tukaday garoonka kubadda cagta ee magaalada Garowe.
Cabdiwali Maxamed ayaa u mahad-celiyay ra’iisul-wasaaraha Soomaliya iyo madaxda maamulka raskambooni oo Garowe sanadkan ku ciiday ,waxaana uu sheegay in Puntland ay tahay dhul-Soomaaliyeed.
Waxaa kaloo maanta iyagana si weyn looga ciiday magaalooyinka; Gaalkacyo, Boosaaso iyo Qardho, iyadoo kumanaan ka mid ah dadweynahaha Puntland ay isugu soo baxeen tukashada salaaddii Ciidda ee maanta.