Wararka inaga soo gaaraya degmada Baardheere ee Gobalka Gedo ayaa sheegaya in kooxo hubeysani ku toogteen degmada baardheere nabadoon si weyn looga yaqiiney magalada.
Seddax qof oo ku hubeysan bistoolado ayaa la sheegay in nabaddoonka oo lagu Magacaabi jiray, Maxamed Dheere ku toogteen Xaafadda Buur-kur-maan oo ka mid ah xaafadaha Degmada Baardheere.
Toogashada Nabaddoonkan ayaa kusoo beegmeysa xilli Ciidamada Dowladda Federaalka Somalia oo garabsanaya kuwa AMISOM ay ku wajahan yihiin degmadaas oo ahayd tan keliya ee ay kaga sugnayd Xarakada Al-shabaab.
Illaa hadda ma jirto cid sheegatay mas’uuliyadda dilka nabaddoonkan, iyadoo aysan weli ka hadlin saraakiisha Al-shabaab ee ku sugan degmadaas.