Wararka inaga soo gaaraya duleedka magaalada Muqdisho, ayaa sheegaya in rag ku hubeysan bistoolado ay ku dileen nin Oday ahaa oo ka mid ahaa Culimada sida weyn looga yaqaano magaalada Muqdisho.
Goobjoogayaal ayaa warbaahinta u sheegeen in dabley wadatay Mootada loo yaqaano VIKON inay gaari NOAH ah oo uu watay Sheekh C/laahi ku hor jareen kadibna ay ku rasaaseeyeen.
Sidoo kale goobjoogayaasha ayaa waxa ay sheegeen xilliga uu falkan dhacayay in gaariga ay saarnaayeen dad ehel la ah Marxuumka la beegsaday, oo aan wax khasaare ah la gaarsiin.
Raggii dilka geystay ayaa goobta ka baxsaday, waxaana ilaa hadda aanan la ogeyn sababta ay u beegsadeen ninkan Da’da ah ee aan faraha kula jirin siyaasad, sida ay sheegeen qaar ka tirsan ehelkiisa.