Ra’iisal wasaaraha xukuumadda Federaalka Soomaaliya Xasan Cali Khayre ayaa saakay salaadda Ciidda kula tukaday boqolaal qof Masjidka Isbahaysiga ee Magaalada Muqdisho.
Khayre oo salada ka dib shacabka la hadlay ayaa ku boorriyay shacabka Soomaaliyeed in ay muujiyaan midnimo, isku damqasho iyo is-garab qabasho.
Ra’iisul wasaaraha ayaa ummadda Soomaaliyeed ugu hambalyeeyay munaasabadda Ciidul-Adxaa, una rajeeyay in ay sannadkan sannadkiisa ku gaaraan nabad iyo barwaaqo.
Ugu dambeyn waxaa uu shacabka u sheegay in la ilaaliyo midnimada dalka, maadaama uu yahay dalka kaliya ee aan leenahay isaga oo shacabka ka codsaday in ay garab istaagaan dadaallada dib loogu dhisayo nidaam dowladeed oo sal adag.