Gudaha safaaradda Suudaan ayaa maanta waxaa ka dhacday munaasabad ay xilka ku kala wareegayeen sii hayihii hore ee Safaaradda Suudaan Axmed Ibraahim (Buurfuule), wuxuuna xilka wareejiyay sii hayaha cusub Cusmaan Axmed Maxamed oo Wasaaradda arrimaha dibadda ay u idmatay xilkaasi.
Xafladda xil wareejintan oo ay ka qeyb galeen Diblomaasiyiinta Safaaradda, Jaaliyadda iyo masuuliyiin kale ayaa waxa ay ku soo dhamaatay si nabad ah.
Axmed Ibraahim (Buurfuule) oo la hadlay waraabinta ayaa xil wareejinta kadib u mahadceliyay diblomaasiyiinta la soo shaqeysay, wuxuuna codsaday in lala shaqeeyo masuulka cusub.
Cusmaan Axmed Maxamed oo xilka la wareegay ayaa wuxuu sheegay inuu wax badan ka qaban doono hawlaha safaaradda, si gaar ahna uu diirada u saari doono cabashooyinka Ardayda.
Isbedelka cusub ee Safaaradda Soomaaliya ee Suudaan ayaa waxa ay ka dambeysay kadib markii Ardayda wax ka barata dalkaasi ay ka dacwad ka gudbiyeen safiirkii Soomaaliya ee Suudaan, xilli Ra’iisul Wasaaraha Soomaaliya uu booqasho ku tagay wadankaasi.