Al Shabaab ayaa xalay fiidkii ayaa waxaa ay weerar kusoo qaadeen fariisimo ay ciidanka dowlada federaalka ku lahaayeen duleedka degmada qoryooleey ee gobolka shabelaha hoose.
Dagaalkan dhex maray ciidamada dowladda iyo Shabaab ayaa waxa uu socday ku dhawaad muddo Hal saac ah, kaasi oo labada dhinac ay isku adeegsadeen hubka nuucyadiisa kala duwan.
Ciidamada dowladda federaalka oo markii dambe helay gurmad dheeraad ah ayaa waxaa u suura gashay in ay iska caabiyeen Shabaabkii weerarka soo qaaday, sida ay inoo sheegeen masuuliyiin ka tirsan gobolka Shabeellaha Hoose.
Qasaaraha dhabta ah ee ka dhashay dagaalkan ayaan weli l ogeyn balse goob joogayaan ku sugan deegaanka ayaa sheegaya in ay jiraan dhimasho iyo dhaawac soo gaaray dad rayid ah in kastoo aan weli si dhab ah loo helin xaqiiqda saxa ah.