Warar aynu ka heleyno deegaanka Number 50 ee gobolka shabelaha hoose ayaa sheegaya in halkaasi uu ka dhacay qarax miino kaasoo ay waxyeelo badan geystey.
Goobjoogayaal ku sugnaa halka uu qaraxa ka dhacay ayaa warbaahinta u sheegay in qaraxan oo ahaa miino dhulka lagu aasay uu haleeyay saddex ruux oo isla saarnaa Mooto nooca Feykoon kuwaa oo la sheegay in dhamaantood ay goobta ku gaeriyoodeen.
Saddex ruux ee la socday Moontada kuna geeriyooday Qaraxa ayaa lagu waramayaa in ay ku sii jeedeen dhinaca degmada Afgooye, balse inta aysan gaarin uu qaraxan haleelay.
Halka uu qaraxa ka dhacay waxaa tegay ciidamo ka tirsan iyo dadka deegaanka oo qaaday meydadka saddex ruux ee la socday Mootada uu qaraxu haleelay.