wp_flash_img_show will display here (config: default)

Digil oo dhan Ma Dulaal Baa?

Sida in badan oo ka mid ah dadka u dhuun daloola siyaasadaha beelaha Soomaaliyeed ay qirayaan ayaa waxaa marag ma doonto ah in burburkii dowladii dhexe ee Soomaaliya ay fududeeysay in duulaan gaaban lagu qaado dad iyo dhulkooda iyadoo loo maraayo wadada ismaquuninta awooda ku dhisan taasina waxay keentay in qaybo ka mid ah dhulalkii lagu soo duulay ay maanta gacanta ku hayaan kooxihii soo duulay waxaana markhaati inoogu filan maanta dhulweynaha Digil oo inta badan ay maamulaan beelo ku soo duulay dhulka isla mar ahaana aan u dhalan marka laga reebo degmada Diinsoor oo ay degaan beesha Dabare.

Hadaba waa su’aale yaa ka masuul ah in kooxaha duulaanka ay 21 sano ka dib ay dhulka sii joogaan?

Inta aynaan jawaab u doonin su’aashan bal akhristoow ila arag dhibaatooyinka jira oo ay ugu horeeyaan Hogaan la’aan,Midnimo la’aan iyo Dulaalnimo oo ummaddii intaas isu raacda waxay qabtaan daayoo mugdi galayo jiritaankooda

Waa dhab oo waa gar aan lahayn geed looga waabto in hogaamiya-yaasha dhaqanka beelaha Digil guud ahaan ay gabeen kaalintoodii hogaamineed halka ayba iska ilaaween midnimo iyadoona ay u dheer tahay inay dulaal u noqdaan beelaha ku soo duulay dalka iyo dadka Digil.

Inkasta oo dhibaatadan ku habsatay dalka iyo shacabka Digil ayan la bilaaban dagaalka sokeeya ayaa waxaa hadan iska cad in beelaha Digil hogaankooda dhaqameed iyo siyaasadeed aanay marnaba ka gaashaaman dhib la arki karay inay ku soo socotay shacabkan ka hor burburkii dowladii dhexe ee Soomaaliya.

Kaalintan ay dayaceen hogaanka dhaqanka iyo kan siyaasadeed ee beelaha Digil waxay sahashay in si fudud dhulkooda ay ku qabsadaan kooxo duulaan kaga yimid gobolada dhexe ee Soomaaliya bilowgii dagaalka sokeeye sanadkii 1991 ilaa iyo maantana ay marba magac iyo shaar cusub ay u soo xirtaan dhibaataynta shacabkla Digil ilaa ay gaareen in qaarkooda ay dhulka ku soo galaan inay yihiin Qaxooti si ay u deegaamaystaan dhulka Digil sida Qaxootiga loo degmeeyay xaruntii Aqoonta iyo Kuliyadii waxbarasha ee Lafoole.

Hadaba ma waanay ahayn Dulaalnimo waxay meesha u fadhiyaan kuwa sheeganaaya Wasiirnimo,Xildhibaanimo amaba xil dowladeed oo kasoo jeeda beelaha Digileed halka waxgaradkii fara tiriska noqdayna ayba jahwareer ka qaadeen siyaasada fashilka iyo fool xumada ku fool dhaqatay ee maanta Soomaaliya taal laguna soo koobay “keyga lihi kaagana kula lihi”.

Waa dhab in kuwa dhaliisha lihi la dhaliilo inta Amaanta mutaysatana lagu Amaano wax qabadkooda taana waxaa iiga dhigan sidaan horayba carabka ugu soo dhuftay beesha Dabare oo runtii ku Amaanan doorkeeda shariifka ahaa ee ay ku difaacday qaybtii kaga aadanayd difaaca dhulweynaha Digileed halka Beelaha Geledi, Begedi, Shanta Caleemood, Tuni iyo jiidana ayba hogaan ka dhigteen kooxaha duulaanka iyadoo Qaar kamid ah Siyaasiyiinta Beesha Garena ay hogaanka beelaha Digil ay dulaalnimo kula dhex wareegayaan iyagoo weliba xirta hadba shaarka ay doonayaan.

Gunta iyo gabagabada hadalkeyga waxaan kusoo koobayaa oraahda Soomaaliyeed ee leh “Hadii Daawo bukooto maxaa lagu daweyn” oo waa yaabe hadii Hogaan bukoodo maxaa lagu dawayn oo bulsho hogaankeedii Dhaqanka noqday caada qaate,Siyaasiyiintoodii noqdeen Maacuun looga adeegto dhulkooda,Waxgaradkoodii noqdeen kuwo Jahwareer ka qaday xaalka ummaddooda iyo ugu danbayn indheer-garadkoodiina Dulaal noqday,Ma waanu xaalkooda la mid ahayn Daawadii bukootee daawada loo doonay?!

Yasin Abicar

Daafeet.Com


Shabakada Daafeet.com Kala Soco Wararkii Ugu Danbeeyay

Nagala Xiriir E-mail comments@daafeet.com

Fikradaha Akhristayaasha (4)

  1. xudurow says:

    waxan la yabay hadii meelaha la isugu imanayo oo looga hadlayo qadiyadaha digil iyo mirifle inay aad uga yaraadan ama an u indho furnen walalahena digil, hadii laga reebo shaqsiyaad aqoontiisa iyo aragtidiisa dheer tahay………mida kale afgooye horta habar gidir ukumo ayaba dhigatay dadkii iskalaha oo halgen laga rabayna waa kuwa an u jeedno…………………….. mida kale waxan rajayna SULDAN CALIYOW IBROW , suldanka JIIDO iyo FIQI inay wax badan ka badali doonan aragtida iyo kala dadsananta walalahena DIGIL.. mida kale waxa la raba belaha kuwii dagalka u bisilna dagalka la geliyo kuwa kalena dhaaqala iyo aragtida laga qaato si lo wada xoreyo shabellada hoose oo dhan.

  2. mayoow aboow says:

    Jawaabtu waa:Waxaa ka masuul ah Dighilka maxaa yeeley wuu is difaaciwaayey. Gabyaagii carabeed wuxuu yiri dadka aan wax dulmin waa la dulmiyaa. Qofkii dhulkiisa ku difaaciwaaya warankiisa iyo ushiisa waa laga burburin waana laga qabsan. Taas ayaa maanta haysata Dighil. Haddii uu Dighil u diyaargaroobo dhimasho iyo wax iska caabin tan maanta haysata kuma dhacdeen. Wili fursad iska caabin ah way jirtaa. Dighil ha is abaabulo ha iska dhiciyo cadawga

  3. Abdullahi Ahmed says:

    Waad ku amaanantahy dadaalka lama iloobaanka ah, ee aad u haysid beelaha Digil iyo Mirifle. Waxaa la dhahaa Ido indhohooda waa Eri cad (Ereng-Ed). Digil indhihiisa waa Mirifle. Miriflana, oo ay ku jiraan aqoonyahan, indheergarad, Siyaasiyiin, iwm, waxay u dhexeeyaan labadan marxaladoo:- Dewersi (tuugsi) iyo Dalaalnimo)
    1- Markii ay abaar jirtana way dewersanaayaan (tuugsanaayaan)
    2- Markii aay baahi baxaanne, waxay u xuub-siibtaan dalaalnimo!!! Mucjiso.

    Waxay arki waayeen kheyraadka Eebe ku manystay, oo bad, beer, xoolo, macdan, eiw.
    Waxay fahmi waayeen khaaciidada ay isticmaalaan kooxda dhulboobka oo ah “Ku Khabso Ku Qadi-Maysidee”.

    Kooxdaan oo iyadu caadaysatay in mar walba ay carqaladayso geedi socodka nabadda ayaa waxay ku sifowday labaatankii sannadood ee la soo dhaafay saddexdan arimood ee soo socda:

    1-Haddii dad ay is xilqaamaan oo ay shir nabadeed qabtaan, waxay dhahaan “Looma Dhama”

    2- Haddii la dhoho waayahayee ka soo qaybgala, isla dhexdooda ayaa is qabsanaya oo dhahaya, “Nama-Melelo”

    3- Haddii la dhoho waayahayee soo dirsada cidda idin metelaysa, waxay dhahaan “Nooma-Qalanto” jegedaan.

    Marka guntii iyo gebagebadii, waxaan labaatankaan sannadood baranay arimahan aan kor ku soo sheegnay oo loo soo koobay:-

    Digil iyo Mirifle: Dewersi iyo Dalaalnimo

    Daarood:- Dirmaansho iyo Deeyro

    Hawiye:- Ku qabso ku qadimaysidee – Looma-dhama, nama metelo, nooma-khalanto.

    Wabillahi Towfiiq.
    Iga sug faallo kale.
    Wixii su’aal ah isoo weydii.

  4. Mad Keer Malaak says:

    widaay wayla fadee qofkii Fashilmo inuu katabo Mansabka uu ummadda in haayo, sida Wasiirada, Hildhibaanada, IWM




Please note: Comment moderation is enabled and may delay your comment. There is no need to resubmit your comment.

Wararkii U Danbeeyay

Kenya Madaxweyne Uhuru Kenyatta oo Maanta Saxiixay Sharciga Cusub ee Loogu Tala Galey In Lagu Sugo Amaanka Kenya
- Dec 19, 2014
Madaxweynaha Kenya Uhuru Kenyatta ayaa maanta oo Jimco ah saxiixay sharciga cusub ee ammaanka ...
china Shiinaha: Maqaalo Taxane Ah (Qormada Koowaad)
- Dec 19, 2014
Qormadii Abdulkadir M. Abow:- Sida aay baahiyeen shirkado waaweyn oo dhinaca saxaafadda qaabilsan oo ...
xasan Madaxweynaha Dowlada Federalka oo Ku Xad Gudbey Heshiiskii Adis-abab ee u Dhexeeyey Jubba iyo XukuumadaFederalka
- Dec 19, 2014
Madaxweynaha oo inta badan lagu eedeyn jirey in uu yahay qof keligii taliye ah  ...
Amin_Amir Fiirso Sawirka Amiin Camir iyo Saadaasha Wasiirada Cusub
- Dec 19, 2014
Sawirkan amiin waxaa uu ku cabirayaa in reysulwasaraha cusub uu caqabad kala kulmi doono ...
Nigerian reinforcements ECOMOG peacekeep Ciidamada Sierra Leone oo Maanta Gebi Ahaantood Ka Baxay Dalka Somaliya
- Dec 18, 2014
Ciidanka Sierra Leone ee qeybta ka ahaa howlgalka AMISOM ayaa maanta ka baxaya magaalada ...