DIGILOW DAAMI YAY KU DAGIN”Taladaan la ruugin waa lagu rafaadaa”

Waa oraah Soomaaliyeed oo micno mug weyn lihi xumbaarsan kana digaysa talo si sahlan inta maanta loo qaato berina mahadha reebta oo weliba si looga lug baxana ay adkaanayso,

Waxaana u soo qaatay misna aan qoraalkayga daahfur ugaga dhigay bal inay wax ku qaataan dadka uu khuseeyo qoraalkan gaar ahaan inta aan qalbigoodu dhiman ee weli nool dhegahooduna ayan u daloolayn sida god dhul ka qodmay ee ay yihiin kuwo wax maqla.

Hadaan usoo daadego muhimada qoraalkaygan waxaa waayahan aad isu soo tarayay talaabooyin ay qaadayaan kooxo isugu jira kuwo Caraysan,Xildoon,Dhuuni doon,Waxmagarato iyo Doqomo oo reer Aw-Digil kasoo wada jeeda kuwaasi oo runtii u colaadinaya beelaha aan walaalaha nahay ee Mirifle,

Runtii waa wax sahlan in aad iska eedo Qof,Qabiil amaba Qawmiyad laakiin waxaa wax sahlan ahayn eedaada inaad ka gar baxdo kol hadii hogaankaaga uu noqdo kooxaha aan kor kusoo tilmaamay mid ahaan amaba dhamaan sida hada nahaysato hadaan nahay beelaha Aw-Digil.

Guud ahaan Beelaha Soomaaliyeed gaar ahaan Digil iyo Mirifle waa dad wada dhashay oo dhiig wadaag ah si kastoo loo dhigana waxay u dhamaanaysaa maahmaahdii Soomaaliyeed ee lahayd “Isma hurto yay is halaynin”mana ahan dad is hura xitaa hadii madmadowga dhex yaalo uu gaaro heer quus ah inta uu caqligu shaqaynaayo balse hadii caqliga ay caadifadi daboosho waxaa hubaal ah inay dhacayso tan maanta taagan ee gole loola galay fadhina lala qaatay kooxihii in badan aan ka digaynay ee dhul doonka ahaa ee Hawiye.

Hadana waa iga su’aale maxay shacabka Digil u soo kordhinaysaa dhib iyo dheef Mirifle oo aad ka goysaan Mudulood Hawiye amaba DAAMI oo aad ku dartaan?!!!.

Jawaabtu waa waadix oo waa sahal hadii aan nahay dad kala garan kara Dhul iyo Cir waxay kala yihiin hadiise garaadkeena iyo garashadeena gaabisayna waa mid kale.

Dhib iyo Dheef Digil iyo Mirifle

Guud ahaan shacabka qowmiyada Digil iyo Mirifle ayaa waxay yihiin dad walaalo ah isla markaana leh abtirsiimo iyo taariikh soo jireen ah in ku dhow boqol sanadoodna lahaa Xisbiyo Siyaasadeed oo mideeya una dooda xuquuqdooda Diimeed,Dadeed,Dhuleed,Luqadeed, Jiritaakooda iyo Masiirkooda Ummadnimo intaan oo is biirsadayna waxay keeneen in cadawga Qawmiyada Digil iyo Mirifle ee Hawiye iyo Daarood ay si isku mid ah u ciqaabaan ummadda Digil iyo Mirifle ilaa ay gaaraan”Nafsii nafsii”kana weecdaan wadadoodii soo jireenka ahayd ee isku duubnida kuna bedeshaan in mid mid ay u dhaqaaqaan taasi oo markale cadawga Qawmiyadeena siiyay fursad kale waxaana tusaale inoogaga filan Daarood oo maanta sheeganaaya dhulkii Mirifle iyo Hawiye oo ku dhiiraday inuu kula yimaado inaad u saxiixdo dhulkaaga Ogow walaalka Digiloow Hawiye maanta kuguma soo dhiiradeen hadii aanu ogayn in xaalka Mirifle uu yahay “Neef Libaax ku fadhiya Waraabe laguma habaaro”oo uu tiisa la liito oona uu ka badin la’yahay dhowrista Hanbadii ka hartay dhulweynaha Qawmiyada ee Baay iyo Bakool ee maxaad ku eedaysaa?

Qawmiyada Digil iyo Mirifle waxay ka midaysan yihiin guud ahaan wixii ummadi ay wadaagi lahayd sida Dhaqanka,Diinta,Luqada IWM iyadoo ayan jirin wax ay ku kala gedisan yihiin halka qaab qaybsi siyaasadeed cadna uu dhex yaalo oo ay ku qaybsadaan waxa ay siyaasad ahaan kaga soo aado siyaasada guud ee Soomaaliya.

Dhib iyo Dheef Digil iyo Mudulood Hawiye amaba DAAMI sida ay dadka Digil u yaqaaniin(Digil iyo Daami)

Ma cusba oo naguma cusba in beelo ka mid ah reer Aw-Digil ay dantooda ka raadiyaan gudaha Hawiye gaar ahaan Mudulood oo ay iyagu u yaqaaniin DAAMI oo waxaa jiri jiray taariikhiyan dad Digil ah oo inta dhegta loogu sheego habeenkii la yiraahdo waxaad tihiin SAMAALE subixii lasoo shirtaga waxaan wax ku darsanaynaa walaalaheena DAAMI maadaama aan SAMAALE isla nahay CAJIIB!!!Laakiin wax badan ayay taasi shaqayn weyda oo wax habeen dhegta la isugu soo sheego maalin inaan la hirgelin karin waa wax iska cad

Muduloodna hadii Sharaf iyo Derisnimo uu ka rabo Digil wuxuu soo celin lahaa abaalkii loo galay ee lagu dejiyay deegaanka deexda ah ee Afgooye dhaca beelaha Mudulood ee Mareeg masiibadu ka keentay sida Wacdaan,Wadalaan,Moobleen iyo raacooda.

Xuduuda beelaha DAAMI(Mudulood Hawiye) iyo Digil waad ogtihiin oo waxay ahayd bartamaha Muqdisho oo tilmaan ugu filan dhalinta hada soo kacday khadkii cagaarnaa ee Caydiid iyo Cali Mahdi amaba taalada Daljirka dahsoon ee dhacda Baarlamaankii hore ee Soomaaliya(Shabeele) maanta beelaha DAAMI(Mudulood Hawiye)waxay sohdi ahaan usheegtaan ilaa Mudulbarawe iyadoo ay cid walbana ay ka dheregsan tahay in 21 sanno ee lasoo dhaafay ay DAAMI(Mudulood Hawiye) hogaanka u haysay Dilka,Boobka,Kufsiga,Dhaca Beeraha iyo Bedka Magaalooyinka,Barakicin iyo Baahi ku laynta Digil.

DAAMI(Mudulood Hawiye) maanta waxay sheegtaan guud ahaan gobolka Shabeelaha dhexe iyo Banaadir(Muqdisho) oo ayan ahal u ahayn oo taariikhda ayaa ka markhaati kacaysa maxaa yeelay soo galitaankii gumaysiga dalka Soomaaliyeed deegaan kasta waxaa ku cad beeshii uu meesha ugu tagay gumaysiga labadaan gobol ee Shabeelaha dhexe iyo Banaadir(Muqdisho) looguma imaan dad DAAMI(Mudulood Hawiye) ah ee waxa uu gumaysiga ugu yimid gobolka shabeelaha dhexe caasimadiisa BuntaBarava(Jowhar)Lixda Shiidle halka Muqdishana uu ugu yimid Reer Xamar(Gibil-Cad) oo Majority ah(Tirada badan) iyo Reer Mataan oo minority ah(Dadka laga tira badan yahay) waxaana loo yaqaanay Xamar oo deegaanka ah (Gibil-Cad) iyo Xamar daye oo magaalada banaankeeda dhanka waqooyi xoolo dhaqato ku ahaa halka koonfurta Muqdishana Geledi(Digil) lahayd.

Hadaba dad sidan u boobay dhulkii ay lahaayeen dadkan aan soo xusnay misna ku taagan maanta inay boobaan dhulkaaga oo weliba raba in aad gacantaada ugu saxiixdo ayadoo welibana aydaan wadaagin waxba kolka laga reebo derisnimo baadil ah(xaaraan ah) iyo Soomaalinimada misna xitaa ogolayn jiritaankaaga dadnimo kaagana soo hoyan dhibtii ay kuu gaysteen in maanta Caro Mirifle idiinku xanbaarto waa ADOO NOOL XABAASHAADA QODO SI LAGUUGU DUUGO ADOO NOOL.

Abdiaziz ShSalah

Wadajirradio@Gmail.com


Shabakada Daafeet.com Kala Soco Wararkii Ugu Danbeeyay

Nagala Xiriir E-mail comments@daafeet.com

Fikradaha Akhristayaasha (11)

  1. SAMAALE says:

    midkaagan soo qorey waxaan jirin magaca aan kuu saxo(darandoole mudullood) waxaan kuu sheegaa colada aad qabto shaqsiyan weey fog tahey adiga meel aad ka soo jeeda ma aqaan waa ninka qoraalkaan qorey waxaan kuu sheegaa geladi boqortooyadooda goobroon yaa waaye miyeysan aheyn saransoor garase yuu yahey tunina yeey tahey miyeysa samaale aheeyn miriflane waa niman samaale ah tariikhda laguu dhigey qaldan iyo faroole inuu kuu soo dhiibey ayaan filayaa ..waxan kale ku weeydiiyaa biimaal iyo mudullood ma isku taqaan maxeey isku yihiin riyo ayaan ku jirtaa hubeer iyo gaaljacel iyo ajuuraan maxeey isku yihiin yaa waaye dadka kale ee sh.hoose ee joogo miyeeysan samaale aheyn waxaan kuu sheegaa dadka walaalaha fidna aad hurineeyso kala dhexbax ogoowna samaale haddii laga soo tago gobolka sh.hoose biimaal iyo mudullood ineey irir samaale isku yihiin ogoow isku dhiig ma nihin adiga amxaar miyaad tahey mudullood dhulka wuu eggan yahey haddii maamul loo sameeynayana walaalihiis xaqooda ma diidana asagaaba nidam ku nool (digil iyo darandoole) wa walaalo colaad iyo naceeybna ma dhexyaalo 21sanno waxan u halgameeyney wa in aan lees dulmin qadka cagaaran aad sheegeyso waa laga soo gudbey waa kale ayaa loo gudbey wax walbo oo dhacana waa qader rabi maanta 4bilood dagaalki muqdisho ka dhacey adduunka waa ka war haayaa mida kale muqdisho gibil cad ayaa leh ayaad tiri dhib maleh anaga iyo gibilcal wax dhib nagama dhexeeyaan waa dad walaalaheena weligood wada joogeen ayaan nahey dagaal sukeeyo hadduu dhacana waa dhib baddan yahey marka adiga idaacadajha ma fiirsatid miyaa waxi ,ciraaq ,liibiya iyo meelaha dagaalada ka dhacaan.. waxan ku leeyahey mudullood xaradheere ilaa j.hoose waa degan yahee afkaada wax uga qaad.

    • Juuni Ali Owliye says:

      Akhyaarta waa idiin wada salaamay kulankeenana kulan kheereed.
      Runta raga kiisa daciifka ah waa ka nixisaa RUNTA kan adag ee geesiga ahna waxbuu ku qaataa,Aflagaadadana waa xaaraam,Ra’yigoo laysku diidana ceeb ma ahan ee taana ogow
      Aniga Juuni ahaan ma ahi qof u hadlaaya qofkii qoray maqaalka laakiin waxaan rabaa in aan magaca beeshayda iyo beelo kale ee aad aflagaadaysay aan wax kaa dhaho.
      OGOW Saaxiib marka hore SAMAALE ma ahan dhalasho sida aad u dhigtay ee waxa uu ahaa isbahaysi ay ku midoobeen dadkii Soomaaliyeed ee bilowgii Islaamkana Islaamay waxaana loo sameeyay inay isaga dhiciyaan dadkii aan Islaamka ahayn ee geeska nala degenaa sida Puntida,Gaalada iyo Gujiga oo intuba Oromo ah oo weliba ilaa maantadan aan qoraalka qorayo weli Soomaalida Muslimka ahi ay dabada uga jiraan oo dhul hor lihi laga sii xoraynayo dadkaas aan kor kusoo sheegay(Dagaalka Gare iyo Booran waa ka mid waxa aan sheegayo)Marka Saaxiib beelaha xulifadaasi ku jiraan dhalasho wadaag ma ahan oo dhiig kama dhexeeyo balse waxaa ka dhexeeyay ilaa iyo maantana ka dhexeeya DIINta oo kaliya ee qabiil kama dhexeeyo…..Taa hadaan laguu sheegin ogow(Hamare Samaale,Hariire Samaale,Garjante Samaale,Gardheere Samaale iyo Mayle Samaale ma ii sheegi kartaa waxaan Diin ahayn oo ay wadaagaan hadii aan dad aqoon tahay waxaad haleeli doontaa Jawaabta saxda ah hadii aad Marqaansan tahayna waxaad qaadi doontaa wadada dadka aan dabaasha aqoon gaysa BADA.
      Hadaan in yar kaa iraahdo 21 sano ee tagay ilaa maanta oo aan 22 sano lugaha la galnay Hawiye waxa uu ku sameeyay dadka degaanka shabeelaha hoose lihi inkiraad daayoo dood ma gasho iyadoon laga gudina ma dhecayso in aan wada noolaano.

      • HADAMOW says:

        TUUNI ALI OWLIYE,,,,,,,,,,, RUNTII shekadaada wax badan aya ka faa,idey oo iga maqana kuna saabsan EREYGA SAMAALE.. taas marka xage uga guudbo waxaa ad uga qanacay ragtinimada ad hadalkaga kuso gababeysay oo ah in shacanka shabellada hose hawiye dulmiyen isla markana ad muquf ragnimo ka tagan tahay…. runta fikarka ad qaabto hadi aw digil dhan qabi laha wa ficnan lahed wayo dadka qarban ogeyn in la dulmiyay… mida kale anaga waxa rabna keli ah in baraawe shanta gamaas iyo tooratoorow mamulan una madax bananadan, wanlaweyn shanta calemood iyo wixi la dega mamushtan ilaa marka oo biimal xor u ah aw dagilka la degana sameyn leh,,, oo si sharaf leh lo wada nolaado jareerwaynaha lana degana xaqiisa helo o an cidna lagu dulmin deganada digil iyo mirifle,,, keli ah waxa si ad uga hor jeedna in siyaasad iyo dad bananka ka yimid oo hawiye iyo darood ah an gabar denbe oo aw digil ah ka oysin iyo gabar mirifle ah iyo macal umada nala degta ee somalida kale ah

        • Madeleine says:

          dhaman waan idinsalaamay reer pltaunnd gaar ahaan reer degmada gumbax walaalayaal aad baad umahad santi hiin degmada haloo qalabqaato oo hakaa dalina run ahaantii waan kufarxay markii aan maqlay tankale waxaa aad iyo aad mahadsan websedkan qoladii dadaalka dheer kaqaatadatay walaalayal aad baa umahadsantihiin degmada halagataageero caafimadka waxbarashad iyo amniga walalayaal ilaahay ha inala garabgalo tankale walalayaal hala isku arko websedkan rasbina oo aad kukulmikartaan had iyo jeer nice to meet you

    • hubeyr kismaayo says:

      samaale ninka la dhaho , shabellade hoose meel u abgal ka dego ma arkin ,, mida kale haduu degana xamarba waxa ku nolal maalayin digil iyo mirifle ah ,,,,,, mida kale beelaha walalaha ad kala qadeyso iska daa ,, hubeyr aniga ah gaaljecelna wax an somalinimo iyo islanimo aheyn naga ma dhaheyso , caqligaas wa caaqligii daroodka umada kuso dhax galayay,, mida kale waarsangeli abgal iyo warsangeli darod wa isla dhashen, maantana hawiye iyo darod aya kala sheganayan… xawadle iyo leelkase wa isla dhashen maantana wa u kala jeedna, abdgal wacasle oo dhan waa sawaaqroon, qarna waa ugar yahan majerten aya wax isu yihin. sacad oo dhan wa ogaden maantana qof ku haysto maleh qofkasta qadiyadiisu u dhimanaya waxayna kala yihin hawiye iyo darood,, maraxan intiisa badan waa cayr siiba laftan cumar dhere la dhaho oo ka tiirsan wagerdhac…….reer mintan abgal iyo duduble sida o kale,, gaaljecel sida magacisaba ka muuqato wuxu ahaa maymay, hadii u maxa tiri yahay maxa magaciisa u noqon wayay geeljecel? mida kale inta badan qaba,ilada hawiye iyo deganadoodaba waxay ka sameysan yihin afka mayga, sida ABGAAL,GAALKEL, DHUUSMAREB,GAALKACYO. hadi sidasi ahan lahen waxa la dhihi laha, dhuusomaceliiso,geelkiciso, abgeel iyo geel jecel, marka dad ad magacyadooda wado inad ku shegto dad adiga kugu hoos nool waa nasiib daro

  2. HADAMOW says:

    asc walalka so qorey qormada wa mahsan yahay,,,,,, mida is waydinta mudan walalahen aw digil maxa ka qariyay dhibatadi indha cade u geystay heer biyaha ilah laga ibiyay? ayna u arkan keli ah hal xildhiban oo walalka ka badsatay? dabcan aw digil wax intas dhafsan kama taban karo walalkiisa mirifle,, mida kale xildhibanada miriflaha xita waxay u kala qeybsaden sidi RRA looga kala badna, dadkii habar gidir la so jihadey aya lo badiyay, qaarna walalnimo iyo waxay ku helen in wixii magacooda lagu so qadey…hadana nidamkas waa la badali kara lakin yaysan naga gaarin heer an hawiye iyo darood ku kala abtisano,,,,,, hadii kuwa carada qaba ee digilka ah sas ku dhaqaqan oo aw digilka fiyowna iska qaban wayo ,, ogada mirifle markasta wajira gabar danbe oo digil iyo mirifle ahna dhul mirifle hawiye iyo darood kuma oysin donan,, hadi ay digil ogoladey in la duleeyo oo dhulkisa la qaato,,, aw digil dhan yan dhihin, dabare iyo shanta caleemood mirifle xita uma bahno ayaga dhulkooda difican kara ragnimadaas iyo gabonimadas ayana loo bahan yahay,

  3. HADAMOW says:

    wax yaba an la yabay waxa ka mid ah,.. in aysan jirin qof digil ah ka shekeynaya dhibatadi indha cade gabolka ka geystay, hal BIIMAAL oo beel kali ah ahna markasta MARKA ku doodeyso oo cida ciidamo u sameysten si ay uga hortan indha cade iyo qomkisa…. mirifle inkasto qoomki caydiid horkacayay iska so xoreyey hadana waa sheg shegaya markasta ” habar gidir sow tii na so warerartay” ayay maalinkasta ku hayan, halka walalahena digilna aysan jirin qof xanunkas dib u xasuusan karo shaqsiyaad mooye……. shekaba sheekey ku timaade hada ka hor aya anagoo jamacatul AZAR joogno waxa aqoon ku murmay labo ka mid ah ardeydi oo kala aha GELADI iyo ceyr markaasa kii cayrka ah looga badiyay su,alihi la is waydinayay markasta ardeydi kale wada qoslen meel lagu kaftamaya aheyd. kii ceyr ka aha intu qayliyay oo ardeydi so wada jeediyay ayuu yiri ” ninkan rer afgoye sheeganayo muxu wax ka barana aniga dhulkisa ku mamulo wixi u ku shaqeyana ina aderkey aya ka qadanaya! ” ya wax u baranaya? xagese wax u baranaya? marka in ad somali ka noqoto dhul la,an sidi falastiin wa nasib daro. ……..

  4. keerow Eyle says:

    JAWAARI WUXUU ILOWSAN YAHAY IN LAGA GUDBEY SIYAASADDII KU SALEYSNED QAAB BEELEEDKA , LOONA GUDBAAYO QAAB GOBOLEED KU SALEYSAN SIYAASAD XISBIYEED.

    MARKA HADDII AY ARRINTU SIDAAS TAHAY WAA LAGAMA MAARMAAN IN GOBOL KASTA UU XOR U AHAADO INUU LA MIDOOBO GOBOLLADA KU DHEGAN SOOHDIIN AHAAN IYO SHACABKA SOMALIYED OO LA DEGAAN DEEGAANKAASA, TAASAANA AH DULUUCDA SIYAASADDA FEDERAALIGA AH.

    KOOXDAAN OO UU MR JAWAARI MAGACAWDEY WAA KOOX HOREY UGU SOO FASHILANTEY SIYAASADDA OO HOGAAMIN JIREEN MADAXDII RRA IYO XARIIF SAKIIN OO 20 SANO KU QARAABAN JIREEN MAGAC BEELEED. WELINA KU RIYOONAYAAN INEY SIDAAS KU SII WAARAAN.

  5. wanleweyne gaaljecel says:

    asc qabailada somaalida wa dad wada degan kallana degan waxaan idinku leeyahay annigo gaaljecel ah dhulkeyga waan aqaan ki laila degena waan aqaan, hawada yaan leska leen somaaliyey 21sanno dhibki lagu jiray inay umadaas kabaxaan ayadoon cidna cid loo dhaceen aan ku tagerno.

  6. hasan yare says:

    Waxaa cajiib ah in maanta Digil eed ka sheegto hawiye..Digil dhul gooni uu leeyahay ma jirto dhulkan Shabeeada Hoose runtii Hawiye uga badan Degmada Afgooye dhanka Deexda bal qabiil degan oo Digil ah soo sheega? Dhanka waqooyi iyo Magaalada Afgooye waxaa degan Galedi,Bagadi,Goobroone, Wacdaan, Moobleen, Silcis, dhanka Bariire ow dhegle Gaaljacel, Murusade, Wacbuudhan oo u badan Daaud Iyo Jambaluula oo galedi iyo Bagedi degan. Dhanka Daafeed marka loo socdo Gaaljacel Moobleen, Baadacade,Wacbuudhan kadibna waxaa ku tageyso LEEGO Digil waa magac isbaheysi inta badan kuma hadlan Af Maay Maay Jiido luqad gooni leedahay, tTuni sidoo kale Bagadi goomee digil noqday Waa dad ka so jeedo Ajuuraankii la jebiyay. Shanta Caleemod goormee noqdeen Qabil digil ka mid ah. Goobroon iyo Eylo isbaheysatay baa la magac baxday Shanta Caleemood. yaa sheegi karo meesha ka timid Shanta Caleemood? Digil ma ahan qabiil ee waa dad deegaanka ka dhaxeeyso. Jiido waa la yaqaanaa asalkooda? Tuni sidoo kale abtirsiga galedi baa waxaa dhex galiseen sidii kuwii daaroodka iyo isaaqa in carabta ka yimid

  7. Waamo says:

    Asc asxaabta salan ka dib hadi aan rayikeyigeyga ka dhibto meshan runti waxey jirtaa in boqortoyadi Daami ka talin jirtay Gobolada bay bakol Gado sh.hoose j. Hoose j.dhaxe qorayga kuma racsan in beesha digil ama DAAMI Maamuli jirtay sh.dhaxe iyo banaadir geybo ka tirsan sida uu hadalka u dhigay wuxu yiray mesha qadka cagaran lo yahan ee u dhaxeyse dagalki habar gidir & Abgaal ayaa xaad u ahaa labada boqortoyo ee imaan yacquub imanka beesha mudulood xududa saxda waxey heed ee laba boqortoyo imaan yacuub iyo Daami sinka dheer ee afgoye sidan kor kuso xusay boqoroyadi daami marke mamuleyse lixda Gobal boqortoyada imaan yacquubna waxey mamuleyse sh.dhaxe xamar qeybaha ee dagan besha mudulood ee mudug Galgauud hiiraan lkn midka mesha ku jirto aye maxey tahay boqortoyadi daami waxa ku hoos nolaa dad ka dhashay besha mudulood qeybo ka tirsan juboyinka iyo sh. Hose mala shegan karan besha mudulod boqortoyadi daami bay iyo bakool iyo Gado shekada wa sida




Please note: Comment moderation is enabled and may delay your comment. There is no need to resubmit your comment.

Wararkii U Danbeeyay

Calanka koonfur Jaaliyada Koonfur Galbeed ee North America Oo Cambaareerey Falkii Foosha Xumaa ee Ka Dhacay Magalada Baydhaba
- Oct 30, 2014
Aqriso warqadan cambaareynta ah ee kasoo baxdey jaaliyada koonfur galbeed ee qaarada ameerica Daafeet.Com
canada Daawo Dadnimada Iyo Sharafta Ka Muuqata Shacabka Reer Canada
- Oct 30, 2014
Dhacdo aad u xanuun badan oo ay ka dhiidhiyeen dhamaan shacabka reer canada ayaa ...
banki Banki Moon oo Maanta Soo Gaarey Magalada Muqdisho
- Oct 29, 2014
Wafdi uu hoggaaminayo xoghayaha guud ee QM, Ban Ki-Moon ayaa Muqdisho soo gaaray goor ...
xaabsade Daawo Warsaxaafadeed Looga Soo Horjeedey Wixii Shaley Ka Dhacay Magalada Baydhabo
- Oct 29, 2014
Daawo warsaxaafadeedkan oo ay ku wada kulansan yihiin qaar ka tirsan xilidhibano dhibsadey dhacdadii ...
biyo dhaamin aad u sareysa Hay’adda SADO oo Howlo Gurmad Biyo dhaamin ah ka sameysay Gobolka Gedo(Sawiro)
- Oct 29, 2014
Howshan balaaran ee gurmadka Biyo dhaaminta ah ee ay Hay,adda Samafalka SADO ay ka ...