Beesha Caalamka oo Ka Digtey In Doorashooyinka ka Dhici Doona Somaliya Aan Mar Dambe Dib Loo Dhigin

0
66

War kasoo baxay  Qaramada Midoobay, Midowga Afrika, Midowga Yurub, Urur Goboleedka IGAD, Boqortooyada Engriiska, iyo Mareynkanka ayaa lagu sheegay in ay markale uusan dib u dhac ku imaan doonin Doorashada Soomaaliya, oo Bisha November ee soo socota aysan ka dib mari doonin.

Beesha Caalamka ayaa sidoo kale Madaxda Dowladda Soomaaliya ugu baaqday in ay ilaaliyaan waqtiga Doorashada, waxayna ku taliyeen in Doorashada Aqalka Sare, Aqalka Hoose iyo tan Madaxweynahaay muhiim tahay in ay ku dhacdo waqtigii loogu tala galay.

Xubnaha Beesha Caalamka  ayaa horey u sheegay in ay bixiyeen Boqolkiiba Lixdan lacagta ku bixi laheyd Doorashada Soomaaliya, iyagoo sidoo kale codsaday in Doorasho xalaal ah oo ay ku wada qanacsan yihiin bulshada Soomaaliyeed in ay dalka ka dhacdo.

Shaley ayay aheyd kolkii Gudoomiyaha Guddiga Doorashooyinka Dadban ee Dalka Cumar Maxamed Cabdulle uu warbaahinta kula hadlay Magaalada Muqdisho isagoo sheegay in Doorashada Aqalka Sare in ay dhici doonto 5-ta October, Mid Baarlamaankana ay dhici doonto 10-ka ilaa iyo 23-ka November, mida Labada Aqalna ay dhici doonto 23-ka November iyo mida ugu dambeysa oo ah tan Madaxweynaha waxay dhici doontaa 30-ka November.