wp_flash_img_show will display here (config: default)

Haweeney ka mid ah Barakacayaasha Muqdisho oo Kufsi iyo Xarig la isugu daray(Warbixin daba socota kufsiga ka jira gudaha xerooyinka barakacayaasha Muqdisho).

gabar11Waxaa maalintii afraad xarunta dembi baarista magaalada Muqdisho ee CID-da ku xiran wariye C/casiis C/wahaab Koronto oo la shaqeynayey idaacadda Ergo iyo idaacadda maxalliga ah ee Radio Dalsan ka dib markii Khamiistii 10/01/2013 ay xireen ciidamo ka amarqaata taliska CID-da.

Waxaa wariyaha lala xiray isla maalintaasi haweeney ka mid ah dadka barakacayaasha ee ku nool xero ku taalla Tarabuunka taasoo kufsi ay horey ugu geysteen ciidamada dawlada Soomaaliya balse lagu eedeeyay inay idaacadaha uga warantay tacadiga loo geystay.

Haweeneydaasi dhibanaha ah ayaa lala xiray seygeeda iyo gabar ay iyada walaalo yihiin oo iyaduna lagu eedeeyay inay isku xirtay haweeneyda la kufsaday iyo saxaafadda.

Illaa hadda wax maxkamad ah looma ogolaanin muwaadiniintan sida sharci darrada ah ay xabsiga ugu hayaan taliyaha CID-da Jen. C/laahi Xasan Bariise iyo taliyaha booliska Jen. Shariif Sheekhuna Maye oo amar ka helaya wasiirka arrimaha gudaha.

Maxaa loo heystaa muwaadiniintan?

Wariye C/casiis Koronto waxaa loo heystaa inuu wareysi la yeeshay haweeney kamid ah dadka barakacayaasha oo ay kufsadeen toddoba nin oo ka mid ah ciidamada dawlada 29-kii bishii Disembar, waxaana wareigaasi sida lagu eedeeyay wariyaha uu ku soo baxay bogga telefishanka Al Jazeera qeybtiisa English-ka, laakiin wariye C/casiis waa uu diidey inuu gebi ahaan wareysi siiyey Al Jazeera wuxuuna sheegay inuusan weligiis la shaqeynin Al Jazeera.

Sidoo kale ayaa Daafeet ogaatay in warqad rasmi ah oo ka soo baxday maamulka TV-ga Al Jazeera ayaa lagu cadeeyay in Al Jazeera uusan u shaqeynin wariye C/casiis Koronto, isla markaana aanu shaqo ku lahayn wareysiga ku daabacan bogga Al Jazeera kaasoo ay qortay gabar wariye Soomaliyeed ah oo degan Nairobi oo lagu magacaabo Leyla Cali.

Inkastoo ay sidaas waxa u jiraan haddana nasiib darrom hogaanka CID-da iyo booliska waxay si bareer ah u diideen in kiiska maxkamad la geeyo si sharciga loogu bandhigo iyo in qareen loo qabto wariyaha arrintaasoo muujineysa in Jen C/laahi XasanBariise iyo Jen Shariif Sheekhuna Maye ay wax gaar ah meesha ku qarinayaan oo aysan rabin in la ogaado.

Gabadha barakacayaasha ka midka ah ee Khamiista laga soo xiray gurigeeda ku yaalla xerada Tarabuunka ayaa iyaduna loo heystaa inay u warantay saxaafadda oo ay ka hadashay dhibaatada iyada gaartay maadaama kufsi loo geystay, waxaana yaab leh in gabadhaan lala xiray seygeeda iyo walaasheed ka dib markii ay diiday inay ka laabato kiiska kufsiga ee loo geystay ayna beeniso dhammaan eedeymaha kufsiga ee ay saxaafadda qaarkeed u sheegtay.

Waxaa xusid mudan in Jen Bariise laftiisa uu warbaahinta ka sheegay in illaa 11 kiis oo kufsi ah ay dhowaan ka dheceen Muqdisho ayuna baarayaan, halka uu hadda haweeney miskiin ah ku cadaadinayo inay dafirto dhibaato ku dhacday si isaga aan shaqada looga ceyrin ama booliska lacagta gunnada ah looga goyn.

Saraakiisha booliska, CID-da iyo wasiirka arrimaha gudaha ayaa ka baqaya in haddii dumarka la kufsaday ay saxaafadda ka hadlaan in markaasi xilalka laga qaado iyaga ama laga jarto lacagta deeqda ee booliska uga timaada hay’adda UNDP maadaama xadgudub dhanka xuquuqda aadanaha ay galeen ciidamada sidaasi darteed ayaana illaa hadda muwaadiniintan xansiga loogu hayaa.


Shabakada Daafeet.com Kala Soco Wararkii Ugu Danbeeyay

Nagala Xiriir E-mail comments@daafeet.com

Fikradaha Akhristayaasha (0)




Please note: Comment moderation is enabled and may delay your comment. There is no need to resubmit your comment.

Wararkii U Danbeeyay

Xeer-ilaaliyaha-Guud-ee-Qaranka-Axmed-Cali-Daahir Gudigii Loo Xilsaarey Iney Baaraan Dilkii Xildhibaan Yuusuf oo Warbixin Hordhac Ah Soo Saarey
- May 30, 2015
Guddigii Xukuumadda federalka u xil saartay baaritaanka dilka Xildhibaan Yuusuf Dirir, ayaa soo saaray ...
xasan Madaxweynaha Dowlada Federalka oo Kulan La Qaatey Madaxweynaha Dalka Neygeeriya
- May 30, 2015
Madaxweynaha dowlada Federaalka Soomaaliya, Xasan Sheekh Maxamuud ayaa waxaa uu maanta kulan kula qaatay ...
amin Fiirso Sawir uu Amiin Camir Ka Sameeyey Dhaca Loo Geysanaayo Dadka Banadiriga
- May 30, 2015
Amiin Camir ayaa waxaa uu Sawir ka sameeyey dulmiga ay xamar daye ku dooneyso ...
ku xigeenka maliyada Wasiir Ku Xigeenka Wasaarada Maaliyada oo Shaqo U Jooga Dalka Ivory Cost
- May 30, 2015
Wasiir ku xigeenka Maaliyadda Xukuumadda federaalka Soomaaliya, Maxamuud Xayir ayaa magaalada Abidjan ee dalka ...
shabelaha hoose Xog:- Odayaasha Digil ee Ku Sugan Magalada Baydhaba oo Ka Qeyb Qaadanaya Beecinta Gobolka Shabeelaha Hoose
- May 29, 2015
Xogtii ugu damebeysey oo ay Daafeet Media ka heshey magalada baydhaba ayaa sheegaya in ...