Qarax ismiidaamin ah ayaan galabta waxaa uu a dhacay Baar lagu magacaabo Village oo ku yaalla meel u dhow gurigii hooyooyinka ee magaalada Muqdisho.
Labadan ruux oo isku soo xiray waxyaabo qarxa ayaa isku qarxiyay Baarka oo ay fadhiyeen dad aad u badan oo isugu jiray wariyayaal iyo dad kale oo u soo sheeko doontay, waxaana lagu soo warramayaa in qaraxa kadiib meesha lagu arkay dad qaraxa ku dhintay iyo kuwo ku dhaawacmay.
Ilaa iyo hada qaraxaas inta la ogyahay waxaa ku dhintey ilaa iyo 8 ruux waxaana ku dhaawacmey in ka badan tobaneeyo.
Xaaladda halka qaraxu ka dhacay ayaa aad u kacsan, waxaana la maqlayaa dhawaqa rasaas ay ridayaan ciidamo ka tirsan Dowladda Soomaaliya oo soo gaaray goobta uu qaraxa ka dhacay. Waxaa sidoo kale goobta soo gaaray gaadiidka gurmadka deg degta ah oo dhaawacyada ula cararay Isbitaallada Magaalada Muqdisho.
Daafeet.Com.