Warar naga soo gaaraya magaalada baydhabo ee gobolka baay ayaa sheegaya in maalmihii la soo dhaafey ey halkaasi ku dagaalameen laba beelood oo dega deegaanada Cadaadda iyo Bohol Raar oo qiyaastii 18 km u jira magaalada Baydhabo ee xarunta gobolka Baay.
Colaadan ayaa waxaa ey salka ku heysaa kooxo xoola dhaqato ah oo isku heysta muran ka taagan daaqsiga xoolahooda.taasoo keentey iney halkaasi ku dhintaa ilaa iyo 6 qofood eyna ku dhaawacmaan in ka badan 4 qof.
Odayaasha dhaqanka ee ka soo kala jeeda labada beelood ee dagaalka uu dhex maray ayaa soo jeediyay in la joojiyo colaadda oo si degdeg ah la isugu yimaado gogol nabadeed si loo baajiyo dhiig mar kale daata.
Dagaaladan u dhexeeya xoolo dhaqatada ayaa ah kuwo mar mar ku bilowda si sahlan isla markaana qaata waqti badan si loo xaliyo.
Daafeet.Com