Xaflad xil wareejin oo ka dhacdey magaalada Muqdisho ayaa xubno ka mid ahaa golihii hore ee wasiirrada waxay xilalkii ay hayeen ku wareejiyeen xubno ka mid ah golaha cusub ee wasiirrada.
Wasiirka cusub ee wasaaradda maaliyadda iyo qorshaynta Maxamuud Xasan Saleebaan ayaa xilka kala wareegay wasiirkii hore ee wasaaraddaas Cabdullaahi Goodax Barre iyo wasiiru dowlihii hore ee wasaardda maaliyadda Aadan Sheekh Maxamed Deer.
Wasiirkii hore ee difaaca Xuseen Carab Ciise ayaa isna xilkii ku wareejiyay wasiirka cusub ee wasaaraddaas Cabdixakiin Maxamuud Xaaji Fiqi.
Wasiirkii hore ee warfaafinta, boostada iyo isgaarsiinta Cabdiqaadir Xuseen Maxamed Jaahweyn ayaa xilkii ku wareejiyay wasiirka cusub ee wasaaraddaas Cabdullaahi Ciil-mooge Xirsi.
Wasiirkii hore ee wasaaradda ganacsiga iyo warshadaha Cabdiwahaab Ugaas Xuseen Ugaas Khaliif ayaa xilkii ku wareejiyay Maxamuu Axmed Xasan oo ah wasiirka cusub ee wasaaraddaas.
Daafeet.Com