Wadayaasha gaadiidleeyda yaryar iyo kuwa waaweyn ee ka dhex shaqeeya inta u dhaxeysa Muqdisho iyo Baydhabo ayaa ka cabanaya dhibaatooyin kala duwan u jira dhac iyo boob ay kala kulmaan isbaarooyinka yaala wadadaasi.
Darawaladan ayaa waxaa ey sheegeen in dhibaatooyinka ay kala kulmaan Ciidamo Beeleedyada ku labisan dareeska Dowlada kuwaasoo wadada dhigtey isbaarooyin ay ku baartaan shacabka.
Darawaladan ayaa sidoo kale sheegay inay joojiyeen shaqadii wadadaasi islamarkaana taasi ay sabab u tahay dhibaatada xoogan ee ciidamada ay kala kulmaan.
Dhibaatooyinka ey geystaan ciidamada dowlada ayaa ah kuwo aan waxba laga qaban oo u baahan in la helo meel kale oo looga dacwoodo sababtoo ah mar walba oo ey shacbka kasoo gudbiyaan cabasho noocan oo kale ah dowlada intii ey ku sameyn lahey baaritaan wexey lasoo istaagtaa waxa dhibta geysto ma aha ciidamada.
Daafeet.Com