Gaari walaxaha qarxa laga soo buuxiyay ayaa maanta lagu qarxiyey agagaarka isgoyska shaqaalaha ee waddada Maka Al-Mukarama ee magaalada Muqdisho, qaraxan ayaa la sheegayaa in uu geystey qasaare isugu jirta dhimasho i dhaawac.
Inta la og yahay ilaa iyo hada hada qaraxan waxaa ku dhintey laba qof oo shacab ah waxaana ku dhaawacmey 12 qof.
Saraakiisha booliiska iyo kuwa nabadsugidda dowladda Soomaaliya ayaa goobta uu qaraxu ka dhacay soo gaaray, waxaana labada qof shacabka ah uu midkood ahaa makaanik sameynayay gaari goobta qaraxu ka dhacay meel ku dhow yaallay halka midka kalena uu ahaa qof la socday baabuurta kuwa rakaabka qaada ah.
Afhayeenka booliiska Soomaaliya, Jen. C/llaahi Xasan Bariise oo wariyeyaasha kula hadlay goobta uu qaraxu ka dhacay ayaa sheegay inay arkeen maydka hal qof oo rayid ah oo saarnaa gaari kuwa dadweynaha qaada ah ah iyo dhaawacyada toddoba qof ee kale.
Daafeet.Com