Taliyeyasha ciidamada Midowga Afrika ee AMISOM ayaa shaaca ka qaaday inay ku dadaalayaan sidii ay sugi lahaayeen ammaanka deeganada Shabaab ay kala wareegaan ciidamada Dowladda Soomaaliya iyo kuwa AMISOM.
Afhayeenka ciidamada AMISOM Cali Aadan Xumad oo la hadlay warbaahinta ayaa wuxuu sheegay in ciidanka AMISOM ay wadaan qorshayaal ay ku xaqiijinayaan ammaanka deeganada Shabaab ay kala wareegaan.
Wuxuu sheegay in sugidda dhanka ammaanka marwaliba ay tahay mid socota oo AMISOM looga fadhiyo,hayeeshe howsha sugida ammaanka ayuu sheegay inay tahay mid adag.
Cali Aadan Xumad ayaa sheegay in goobaha ciidanka AMISOM ay qabsadaan ay ka sameeyaan baaritaano adag,dadka laga shakiyana ay soo qabtaan si ay u baaraan.
Daafeet.Com