Ciidanka maamulka Ahlu Sunna Wal-jamaaca ee gobolka Gedo ayaa shalay dagaal kula wareegay deeganka Daar-Macallin oo 30 km u jira degmada Baardheere ee gobolka Gedo.
Afhayeenka ciidanka Ahlu Sunna Sheekh Maxamed Xuseen Isxaaq (al-Qaaddi)ayaa sheegay inay deegaanka Daar-Macallin kala wareegeen maleeshiyada kooxda al-Shabaab kaddib dagaal labada dhinac dhex maray.
Al-Qaaddi wuxuu tilmaamay in deegaanka ay la wareegeen uu muhiim u ahaa kooxda al-Shabaab, isagoo sheegay inuu marin u ahaa gurmadka ay heli jireen maleeshiyada al-Shabaab xiliyada dagaalka.
Wuxuu intaas raaciyay inay dhowaan la wareegi doonaan degmooyinka Baardheere iyo Buurdhuubo oo maleeshiyada al-Shabaab ku sugan tahay.
Daafeet.Com