Qarax aad u weyn ayaa xalay ka dhacay Degmada Diinsoor halkaas oo ey ku dhinteen Afar ka tirsan maleeshiyaadka al-Shabaab qaar badana uu kasoo gaarey dhaawac.
Qaraxan ayaa wuxuu ka dhashay gaari waxyaabaha qarxa laga buuxiyay oo yaallay saldhig ay Al-shabaab ku leedahay degmadaas, iyadoo la sheegay in la doonayay in gaarigaas fal ismiidaami ah looga fuliyo degmada Baydhab oo ay ku sugan yihiin wasiirro, saraakiil iyo xildhibaanno ka tirsan dowladda Soomaaliya.
Wararka waxay intaas ku darayaan in xerada uu qaraxa ka dhacay ay sidoo kale tahay goob ay maleeshiyada al-Shabaab dhigato hubka iyo gaadiidka dagaalka.
Xarakada Al-shabaab ayaan weli ka hadlin qaraxaas iyo waxyeellada kasoo gaartay, iyadoo qaraxan uu sidoo kale burburiyay gaadiid ku jiray saldhigga ay Al-shabaab ku lahayd Diinsoor, kuwaasoo ay ku jireen gaadiid dagaal.
Daafeet.Com