Qarax bambo ayaa fiidkii xaley ka dhacay dibadda xarunta shirkadda xawaaladda ay ku leedahay magaalada Muqdisho ee caasimadda Soomaaliya.
Qaraxaasi ayaa la sheegayaa in ey ku dhaawacmeen seddax qofood qaraxa oo dhacay hal maalin kaddib markii kooxda al-Shabaab ay albaabbada isugu dhufatay xarumaha shirkadda xawaaladda Dahabshiil ay ku leedahay goobaha ay kooxdu weli ka arrimiso.
Qaraxa oo ka dhacay dibadda xarunta shirkadda ayaa lagu soo warramayaa inuu waxyeello u geystay albaabbada iyo daaqadaha dhismaha, sida ay sheegeen saraakiil ka tirsan booliska.
Shirkadda Dahabshiil waxay ka mid tahay shirkadaha xawaaladaha ee ka shaqeynayay dalka iyo dibaddaba tan iyo burburkii dowladdii dhexe ee Soomaaliya.
Daafeet.Com