Dagaal u dhexeeya ciidamada dowladda Soomaaliya iyo maleeshiyada al-Shabaab ayaa lagu soo warramayaa inuu saaka ka billowday deegaanka Ufurow ee gobolka Baay.
Dagaalka oo billowday salaaddii subax kaddib waxa uu dhex maray ciidanka dowladda federaalka Soomaaliya iyo maleeshiyada al-Shabaab.
Wararku waxay intaas ku darayaan in gaadiid dagaal oo aan tiradooda la shaacin lagala wareegay kooxda al-Shabaab laguna diley Sheekh Abdirahman oo ahaan jirey horjoogaha Alshabab u qaabilsan Maxkamada Ufurow.
Wax war ayaan kasoo bixin Alshabab oo ku saabsan dhinaca dagaalka
Ciidamada dowladda ee gobolka Baay ayaa dhowaanahan waday howlgallo ka dhan ah maleeshiyada al-Shabaab oo gobolka kula wareegayeen, iyadoo inta badan gobolka ay gacanta ku hayaan ciidamada dowladda.
Daafeet.Com