Qarax miino oo saaka ka dhacay degmada Hodan ee magaalada Muqdisho ayaa lagu soo warramayaa inuu ku dhintay keliya qofkii aasayay.
Miinada ayaa lagu aasayay waddo isku xirta Tarabuunka iyo Isgoyska KM4 oo ah waddo ay isticmaalaan ardayda iyo gaadiidka dadweynaha.
Meydka ninka miinada ay la qaraxday ayaa weli yaalla goobta uu qaraxa ka dhacay, mana jirto cid ka tirsan masuuliyiinta degmada oo ilaa haatan ka hadashay falka.
Ciidan ka tirsan booliska Soomaaliyeed oo gaaray goobta ayaa qabtay gaari yar oo yaallay agagaarka halka uu qaraxa ka dhacay, oo loo maleynayo inuu watay qofkii ay miinada ku qaraxday.
Daafeet.Com