Afhayeenka dhanka dagaalada ee Ururka Al-Shabaab Sheekh C/casiis Abuu Muscab oo la hadlay warbaahinta ayaa sheegay in dagaalkii ka dhacay Gobalka Gedo ee u dhaxeeyay ciidamada Dowladda Soomaaliya iyo kuwa Shabaab guulo waaweyn ay ka gaareen.
Dagaalka Gobalka Gedo ka dhacay ayaa wuxuu sheegay inuu ka dhacay deegaan lagu magacaabo Caracas oo u dhaxeeya Magaalooyinka Garbahaareey iyo Beladxaawo.
Abuu Muscab ayaa sheegay in khasaaro dhimasho iyo dhaawac ah ay ku gaarsiiyeen ciidanka Dowladda Soomaaliya dagaalkaasi wuxuuna sheegay in 12- ay ka dileen 30-dagaalyahana ay dhaawaceen ciidanka Dowladda,isaga oo tilmaamay inay hub ka qaateen ciidanka dagaalka ay la galeen.
Afhayeenka dhanka dagaalada ee Al-Shabaab ayaa wuxuu sidoo kale sheegay in dagaal ka dhacay Magaalada Kismaayo ee xarunta Gobalka Jubadda hoose guulo ay ka gaareen ciidankooda.
Daafeet.Com