Ciidamada Dowladda Soomaaliya gaar ahaan Booliiska Iyo Nabadsugida ayaa saaka howlgal wadajir ah waxa ay ka wadaan xaafado ka tirsan Magaalada Muqdisho.
Howlgalada ayaa waxaa la sheegayaa in ciidanka ay ka wadaan xaafada Baar ubax, Xamarjadiid, iyo sidoo kale xaafada dhowr ah oo ka tirsan Degmada Warta Nabadda ee Magaalada Muqdisho.
Ciidamada ayaa waxa ay qab-qabanayaan dhalinyarada iyaga oo ku feylinaya goob ay ciidanka isugu geynayaan dhalinta sida dadka deegaanka qaarkood ay inoo sheegeen.
Ilaa hada waxaa lasoo warinayaa in tiradii ugu badneyd ee waayahan ciidanka ay qabtaan saaka ay ka qabteen xaafado ka tirsan Magaalada Muqdisho oo howlgalka ay ka sameynayaan ciidanka.
Howlgaladaan ayaa waxa ay ka dambeeyeen kadib markii habeen hore weerar madaafiic ah lagu qaaday xarunta Madaxtoooyada Villa Soomaaliya oo ay masuuliyadeeda sheegteen Ururka Al-Shabaab.
Daafeet.Com