Taliska ciidanka Booliiska Soomaaliyeed ayaa shaaca ka qaaday in Degmooyinka Gobalka Banaadir laga hirgelinayo sanaadiiq dadka shacabka ah ay ku rideen cabashooyinka Booliiska ay ka qabaan.
Sida uu sheegay afhayeenka ciidanka Booliiska Soomaaliyeed Maxamed Yuusuf Cumar Taliyaha ciidanka Booliiska Soomaaliyeed ayaa amar ku bixiyay in la sameeyo xafiisyo cabashada shacabka wax looga qabto Degmooyinka Gobalka Banaadir.
Ujeedka xafiisyadaasi loo sameynayo ayaa wuxuu ku sheegay inay tahay in shacabka ay soo gudbiyaan dhibaatooyinka ay kala kulmaan ciidanka Booliiska Soomaaliyeed,dhamaan Degmooyinka Gobalka Banaadirna la dhigayo,sanaadiiqdaasi.
Hadii la hirgeliyo arintani ayaa waxa ay noqonaysa mid guul ah oo uu ku tilaabsaday Booliiska Soomaaliyeed, maadaama aysan jirin in horay ay ugu fikiraan saraakiishii hore ee Booliiska arin caynkaan oo kale ah.
Daafeet.Com