Warar naga soo gaarey Magaalada Kismaayo ee xarunta gobolka Jubada Hoose ayaa sheegaya in maanta halkaasi lagu dhaawacay Coll. Yaasiin Nuur Gaas “Raadeer” Gudoomiye ku xigeenkii hore Maamulkii KMG ahaa ee magaalada Kismaayo.
Yaasiin Nuur Gaas “Raadeer” ayaa dhaawaca kasoo gaaray qeybta kore ee Madaxa, waxaana la tilmamay in dhaawiciisa loola cararay garoonka Magaalada Kismaayo, imikana halkaasi ay ku dabiibayaan ciidamada Kenya ee qeybta ka ah howlgalka AMISOM.
Dhaawaca mas’uulkani ayaa waxaa xaqiijiyay mas’uuliyiin ka tirsan maaamulka Jubaland garabka Axmed Madoobe, ayagoona sheegay in ay dib kasoo sheegi doonaan faah faahin dhameystiran.
Yaasiin Nuur Gaas “Raadeer” ayaa dhaawaciisa ka dambeeyay kadib markii ciidamadamo gadoodsan oo kawada tirsan dowlada iyo iyo Raaskambooni uu khilaaf soo kala dhex galay rasaasna ooda isaga qaaday xili Coll –ka uu kasoo baxay Dekeda magaalada Kismaayo.
Daafeet.Com