Ciidamada dowlada iyo kuwa Alshabab ayaa xaley ku dagaalamey deegaanka Awdinnle oo aan sidaa uga fogeyn Degmada Baydhabo.
Inta la ogyahay ilaa iyo hada waxaa ku dhintey 4 Qofood waxaana ku dhaawacmey in ka badan 8 Qof dhaawaca ayaa qaarkood la dhigey isbitaalka degmada Baydhabo.
Dagaalkan ayaa socday muddo saacad ka badan, iyadoo dhinacyadu ay isku adeegsadeen hubka noocyadiisa kala duwani, iyadoo ay goobihii lagu dagaalamay ku sugan yihiin ciidamada dowladda Soomaaliya.
Saraakiil u hadlay dowladda Soomaaliya ayaa sheegay in dagaalku uu yimid kaddib markii ciidamada dowladda ee saldhigga ku leh deegaanka Ow-diinle ay ku jireen howlgallo ay kaga hortagayaan weerarro qorsheysan oo ay Al-shabaab doonaysay inay saldhigyadaas ku qaaddo.
Sidoo kale, sarkaalku wuxuu sheegay in ciidamada dowladdu ay hadda ku sugan yihiin goobihii lagu dagaalamay, kuwii Al-shabaabna ay dib ugu laabteen halkii ay markii hore kazoo duuleen.
Afhayeen u hadlay Al-shabaab ayaa isaguna sheegay in dagaal ay xalay kula galeen duleedka Baydhabo ciidammo ka tirsan kuwa dowladda Soomaaliya ayna halkaas ku dileen tiro askar ah, balse ma sheegin khasaaraha dhankooda kasoo gaaray dagaalka.
Daafeet.Com