Ciidamada dowlada iyo kuwa Alshabab ayaa maanta ku dagaalamey deedaanka Awdiinle oo ka tirsan Gobolka Bay.
Inta la ogyahay ilaa iyo hada dagaalkan waxaa ku dhintey 5 ruux waxaana ku dhaawacmey in ka badan 13 ruux
Dagaalkan ayaa wuxuu ka bilowdey kadib markii xoogagga Al-shabaab ay weerar lama filaan ah ku qaadeen saldhigga degmadaas, inkastoo markii uu dagaalku muddo socday ay xoogaggii Al-shababa dib ugu laabteen halkii ay markii hore kasoo duuleen.
Guddoomiyaha degmada Ow-diinle, Maxamed Sheekh C/llaahi oo la hadlay warbaahinta ayaa sheegay in ciidamada dowladda ay iska difaaceen weerar ay Al-shabaab kusoo qaaday, ayna iyagu ku sugan yihiin goobihii dagaalku ka dhacay.
Al-shabaab oo iyaduna ka hadashay dagaalka ayaa sheegtay inay askar ka tirsan ciidamada dowladda Soomaaliya ku dileen dagaalka, sidoo kalena ay ku dhaawaceen tiro kale.
Daafeet.Com