Ciidamada Alshabab ayaa fagaaro weyn oo ku yaala Degmada Xeebta ah ee Baraawe waxaa ey kusoo bandhigeen dhoolatuska iyaga oo afka u duuban yahay,qaarkoodna ay saaran yihiin gaadiidka dagaalka ee Shabaab ay haystaan.
Cududa ciidanka alShabaab ee dhoolatuska soo bandhigay ayaa muujinaya awooda dhanka militaarka oo ay weli leeyihiin,sawirada ayaa sidoo kale muujinaye caruur badan oo kitaabo gacanta ku haysta lana dhacsan ciidanka Shabaab ee dhoolatuska sameynaye, qaarkoodna takbiirta ay ku dhawaaqayeen.
Guddoomiyaha Gobalka Shabeelaha hoose ee Ururka Al-Shabaab Sheekh Maxamed Abuu Cabdala ayaa sheegay in ciidanka dhoolatuska soo bandhigay ay yihiin kuwa dhawaan soo dhameestay tababar una diyaar ah howlwaliba oo loo diro.
Ciidankaan ayaa waxaa lagu magacaabaa Fursaanul xisbah,waxaana la sheegay inay yihiin kuwa udiyaarsan howlaha deg deg ah ee Gobalka Shabeelaha hoose looga baahdo.
Si kastaba arintu ha ahaatee Ciidamada Amisom iyo kuwa dowlada ayaad moodaa in ey waqti dheer ku qaadato sidii ay alshabab uga sifeyn lahaan gobolada ey dalka kaga harsan yihiin taasoo shacabka somaaliyeedna dhib weyn ku heyso in mar walaba lagu dul dagaalamo nabad waartana aan la helin.
Daafeet,Com