Guddoomiye ku xigeenka gobolka Yuusuf Cabdi C/lle (Yuusuf Jaalle) ayaa waxa uu ku sheegay in amniga gobolka Shabeelaha Dhexe uu yahay mid aad u wanaagsan islamarkaana ay iska kaashadeen bulshada iyo ciidamada amaanka ee gobolka.
Yuusuf Cabdi C/lle (Yuusuf Jaalle) Gudoomiye ku xigeenka gobolka Shabeelaha Dhexe ayaa tilmaamay in ciidmada qalabka sida ee Soomaaliya iyo kuwa nabad ilaalinta AMISOM oo iskaashanaya ay si weyn u xaqiijiyeen amaanka gobolka.
gudoomiye ku xigeenka gobolka Shabeelaha Dhexe ayaa sidoo kale sheegay in shacabka gobolkaasi ay ka soo kabsadeen qasaarihii ka dhashay fatahaaddii uu sameeyey Wabiga Shabeelle kadib markii maamulka gobolka uu ka hortag ku sameeyay
Si kastaba arintu ha ahaatee qeybo ka tirsan gobolka shabeelaha dhexe ayaa mararka qaarkii waxaa ka dhaca weeraro iyo dilal qorsheysan oo ey ay geystaan qaar ka mid ah kooxaha kasoo horjeeda maamulka.
Daafeet.Com