Golaha wasiirrada xukuumadda Somalia ayaa maanta ansixiyey hindise-sharciyadeedka iibka Qaranka iyo heshiis dhinaca xog ururinta ah oo ay dowladda Soomaliya la gashay shirkadda CGG ee waddanka Switezerland laga leeyahay.
Shirka golaha wasiirrada ayaa waxaa guddoominayay, Ra’iisul wasaare, C/weli Sheekh Axmed, iyadoo hindise-sharciyadeedkan la la hor-geeyo baarlamanka si uu sharci u noqdo ayaa ujeeddadiisu tahay inuu abuuro hay’ado iyo qaabka loo maro marka ay dowladdu wax soo iibsanayso ama nidaam lagu bixiyo qan-daraasyada ay dowladdu gasho.
Sharcigga iibka Qaranka ayaa faa’iidadiisu tahay in uu dhimo kharashka dowladda iyo in loo tartamo qandaraasyada, iyadoo uu dhiirri-gelin doono hufnaanta iyo isla-xisaabtanka, wuxuuna sidoo kale kalsooni ku abuurayaa shacabka marka ay timaaddo habka dowladdu wax u soo iibsato.
Ra’iisul wasaare C/weli isagoo shirka ka hadlayey waxa uu yiri: “Sharciga iibka Qaranku wuxuu muhiimad u leeyahay nidaaminta qaabka ay dowladdeenu wax u soo iibsan doonto iyo qaabka ay u maaraynayso qan-daraasyada. Hadda kaddib dhammaan qandaraasyadu waxay noqon doonaan kuwo si xaq ah loogu tar-tamo.”
Daafeet.Com