Ergayga Qaramada Midoobay ee Soomaaliya, Nickolas Kay ayaa ka dalbaday madaxda dowladda Soomaaliya inay ku xalliyaan khliaafkooda si dastuuri ah, hay’adaha dowladdana ay ku shaqeeyaan si mideysan.
Danjire Kay ayaa xusay in khilaafka iminka u dhexeeya madaxda dowladda uu yahay mid aan wanaagsanayn, loona baahan yahay inay ku xliyaan dastuurka sida ugu dhaqsiyaha badan, si uusan saameyn ugu yeelan howlaha dowladda.
Wakiilka Qaramada Midoobay ayaa hadalkiisan ka sheegin dabaal-daggii halkii sano ee xafiiska uu madaxda ka yahay ee UNSOM uu uga howl-billaabay gudaha Soomaaliya oo lagu qabtay Muqdisho.
Hadalka danjire Kay ayaa kusoo beegmaya iyadoo warbaahinta gudaha qaar ka mid ah ay baahinayeen maalmihii lasoo dhaafay inuu jiro khilaaf u dhexeeya madaxweynaha iyo ra’iisul wasaaraha Soomaaliya, kaasoo salka ku haya isku-shaandheyn la doonayo in lagu sameeyo golaha wasiirrada.
Daafeet.Com