Afhayeenka Ciidamada Booliska Dowlada Soomaaliya Qaasim Axmed Rooble,oo ka hadlay qaraxii maanta ka dhacay Muqdisho ayaa sheegay in Ciidamada ilaalada Garoonka diyaaradaha ay ku guuleysteen in ay fashiliyaan isku ay Shabaab ku doonayeen in ay garoonka ku weerar qarax.
Afhayeenka oo shir jiraa’id ku qabtay Muqdisho weerarka ka dib ayaa sheegay in gaariga qarxay uu waday nin dhallinyaro ah, balse askari ka tirsan ciidamada dowladda uu istaajiyey gaariga ka hor inta aan la gaarin goobtii ay Shabaab ugu talagaleen in gaariga lagu qarxiyo.
Wuxuu shaaciyay Qaasim Axmed Roobe in Qaraxa uu ku geeriyooday askarigii ka shakiyay gaariga miineysnaa iyo rayid ah oo goobta ka agdhawaa.
Afhayeenka ciidamada booliska ayaa sheegay in la aqoonsaday taargada gaariga qaraxa fuliyey, ayna billaabatay baaritaanka milkiilaha iska leh gaariga qaraxa loo isticmaalay.
Daafeet.Com