In kabadan laba qof ayaa ku dhimatay, uguyaraan saddex kalana way ku dhaawacmeen weerar ay malleeshiyada Al-Shabaab ku qaadday saldhig boolis oo ku yaalla xaafadda Mukayga ee degmada Afgooye.
Mas’uuliyiinta dowladda ee degmada Afgooye ayaa daafeet.com u xaqiijiyay in dadka ku dhintay weerarku ay ka tirsanaayeen booliska la weeraray.
Warka ayaa intaas ku daraya in weerarku dhacay siddeed saac oo habeennimo, ayna malleeshiyadu qabsatay dhowr baabuur oo ciidanku ay leeyihiin.
Taliye ku-xigeenka booliska ee degmada Afgooye, Cabdullaahi Maxamed Xaaji ayaa sheegay inay dagaal markale ay ku qaadeen maleeshiyada Alshabaan ayna dib uga qabsadeen gaadiidka, islamarkaana ay khadaaro u geysteen.
Wariye Cumar Xasan Khayre
Wariyaha daafeet.com ee Muqdisho