Xarakada Al-shabaab ayaa xalay Weerar culus ku Qaaday Saldhigga Degmada Qoryooley ee Gobolka Shabeellada Hoose, iyadoo halkaas ku dishay Askari ka tirsan ciidamadii saldhiggaas ku sugnaa, saddex kalena dhaawacday.
Al-shabaab ayaa la Sheegay in ay Gacanta ku Haysay Muddo kooban Saldhigga oo ay ka saartay Ciidamadii Dowladda Somalia ee ku sugnaa; waxaana dagaalkan uu socday muddo saacado ah.
Guddoomiyaha Gobolka Shabeellada Hoose, C/qaadir Maxamed Nuur (Sidii) oo la hadlay Warabaahinta ayaa sheegay in Xaaladdu ay hadda deggen tahay ayna ku dishay Al-shabaab hal askari, dhowr kalena ay ku dhaawacday.
Xarakada Al-shabaab oo ka hadashey weerarkaasi ayaa sheegtey inay ku dishay askar badan oo Ciidamada Dowladda Somalia ka tirsan; ayna ka baxeen markii ujeeddadii ay ka lahaayeen ka gaartay.