Diyaarad uu la socdey wafdi uu hoggaaminayo madaxweynaha dalka Turkiga Rajab Dayib Erdogan ayaa goor dhaweyd soo caga dhigatay garoonka diyaaradaha Aadan Cadde ee magaalada Muqdisho.
Madaxweynaha Dowlada Federaalka Soomaaliya oo ay wehliyaan mas’uuliyiin sar sare oo ka tirsan dowladda Federaalka Soomaaliya ayaa garoonka Aadan Cadde si diiran ugu soo dhaweeynaya wafdiga uu horkacayo madaxweyne Erdogan.
Ammaanka magaalada Muqdisho ayaa aad loo adkeeyay, waana booqashadii Sadexaad ee madaxweynaha Turkigu ku yimaado Soomaaliya tan iyo sanadki 2011-ki.