Ciidamada Nabad Suggida Iyo Sirdoonka Qaranka Somaliyed, ayaa gacanta ku soo dhigay 74 Jawaan oo ay ku jiraan dhalooyin Khamri ah, kadib markii ciidamada NISA ay howlgal ku soo qabteen Khamrigaasi.
Saraakiisha Hay’adda NISA, ayaa sheegay in Khamrigaasi laga soo qabtay Bakhaar ku yaalla degmada Wardhiigley, markii ciidanka ay heleen xogta ku saabsan in Bakhaarkaasi lagu haayay Khamriga.
Dhalooyinka Khamriga ayaa waxa ay ku jireen Jawaano gaaraya tiradooda 74 Jawaan oo Nabad Suggida ay Saxaafadda u soo bandhigtay, waxayna Saraakiisha sheegeen in tallaabo laga qaadaayo dadkii lahaa.
Saraakiisha Hay’adda NISA ee Saxaafadda u soo bandhigay Khamrigaasi waxa kale oo ay sheegeen inay bartilmaameedsan doonaan meel kasta oo Khamrigaasi oo kale lagu haayo oo Muqdisho ka tirsan.