Dawlada Uganda ayaa ugu baaqday dawlada Soomaaliya in la dadajiyo dhisida ciidamada xoogga dalka Somaaliyeed-ciidamo nidaamsan oo ka tabar badan sida haatan ciidamada SNA ay yihiin.
Taliyaha ciidanka difaaca Uganda Jeneraale Edwardo Katumba Wamala ayaa sidaa yiri shalay Isniintii mar uu booqasho ku yimid caasimada Soomaaliya ee Muqdisho. Booqasho 3 maalmood ah ayaa uga socota Edwardo Katumba Wamala Muqdisho iminka.
Edwardo Katumba Wamala ayaa ugu baaqay dawlada Soomaaliya inay dardar galiso isbaddalada wanaagsan ee lagu samaynaayo ciidamada ammaanka gaar ahaan ciidamada qalabka sida ee xoogga dalka Soomaaliya.
Edwardo Katumba Wamala ayaa intaa raaciyay in taaba galinta ciidamada qalabka sida ee Soomaaliya si buuxda oo waafi ah ay aad muhiim ugu tahay in ay hadhow kala wareegaan xilka sugidda ammaanka Soomaaliya ciidamada dalalka kale ee Afrika ee AMISOM.