Wararka aan ka helayno Xarunta UNDP ee Magaalada Muqdisho, ayaa sheegaya in halkaasi uu ka dhacay qarax lagu xiray mid ka mid ah gaadiidka ay isticmaalaan ciidamada ilaaliya Xarunta UNDP ee Magaalada Muqdisho.
Xarunta UNDP ay degan tahay waxa ay ku taalla wadada aada Garoonka Aadan Cadde ee Magaalada Muqdisho, gaariga qarxay ayaa saaka laga soo bixiyay garaash ku yaallo Isgoyska kM4 oo xilliyada habeenkii ah lagu xareeyo gaariga.
Nooca gaariga ah oo midka Somalida ay u taqaan Qooqan (Hilux) ayaa isaga oo dhex yaalla garaashka mar kaliya uu qarxay, waxaana ku dhaawacmay Afar ka mid ah ciidamada ilaaliya Garaashka yar ee ku dhex yaalla Xarunta UNDP ee Muqdisho.
Ilaa hada ma cadda in gaarigaasi qaraxa lagula xiray Garaashkii uu xalay ku hooyday iyo in kale, balse goobta waa ay xiran tahay, waxaana tagay Saraakiisha dowladda.
Saraakiisha cadaanka ah ee UNDP ayaa ku howlan baarista halka qaraxa gaariga looga soo xiray inay tahay garaashkii xalay uu ku hooyday Baabuurka iyo inay tahay Garaashka yar ee ku dhex yaallo Xarunta UNDP ee Muqdisho.