Donald John Trump madaxweynaha cusub ee dalka Mareykanka, ayaa munaasabad siweyn loo soo agaasimay maanta si rasmi ah ula wareegay xafiiska, isaga oo noqonaya madaxweynihii 45 aad soo mara Mareykanka.
Kumanaan kun oo ruux oo ka kala yimid dhammaan gobollada dalka Mareykanka ayaa isugu yimid magaalada caasimadda ah ee Washington DC oo ah halka ay munaasabada ka dhacday si ay goob joog ugu noqdaan maalintan taariikhiga ah.
Trump ayaa xilka uu qabtay ku macneeyey in shacabka Mareykanka ay xukunkii dalkooda kala wareegeen “Koox yar oo Washington DC” ku sugan.
Ugu danbeyntii, dadka ay sidan gaarka ah u taabatay doorashadii Donald Trump ee sanadkii hore ayaa waxaa ka mid ah dadka ajnabiga ah ee dalkaasi ku dhaqan oo ay Soomaalida ku jiraan.