Banaanbax lagu taaageeray guushii hor dhaca aheyd ee Soomaaliya ay ka gaartay dacwada badda ee u dhaxeysa labada dal Soomaaliya iyo Kenya ayaa maanta ka dhacay magaalada Muqdisho.
Banaanbaxan ayaa ayaa waxaa kasoo qeyb galey dadweyne aad u badan iyo mas’uuliyiinta maamulka gobolka Banaadir iyo inta badan guddoomiyayaasha degmooyinka gobolka
Dadkii ka qeybgallay bananbaxan ayaa muujiyay dareenkooda la xiriira sida ay u soo dhaweynayaan go’aankii ay maalintii shalay qaadatay maxkamada ICJ oo aqbashay soo jeedintii Soomaaliya ee aheyd in maxkamadu awood u leedahay in ay gasho ama qaado dacwada badda ee labada dal.
Sidoo kale dadkii ka qeyb-gallay dibadbaxa ayaa sheegay in rajo wanaagsan ka qabaan qeybaha danbe ee dacwada ee la xiriirta go’aan ka gaarista muranka la xiriira soohdinta badda mar haddii ay maxkamadu aqbasha in ay galli karto ama qaadi karto dacwada.