Wararka ka imanaya gobolka Shabeellaha hooses ayaa sheegaya in dagaal culus oo u dhaxeeya maleeshiyo beeleedyo ku labisan dareyska dowladda iyo Al-Shabaab uu ka dhacay deegaano u dhaxeeya degmooyinka Afgooye iyo Wanlaweyn ee gobolka shabelaha hoose.
Dagaalkan oo bilowday xalay saqdii dhexe ayaa illaa saaka subaxdii ka socda deegaanada Tixsiile iyo Warmaxan oo ay saldhig ku lahaayeen ciidamo ka tirsan militariga Soomaaliya.
Wararka ayaa sheegaya in Al-Shabaab ay la wareegeen deegaanadaas, waxaana jira ciidamo beeleedyo taabacsan ciidamadaasi ku labisnaa dareyska dowlada ku labisnaa oo gurmad ahaan u aaday deegaanadaas jidka loo galay.
Guddoomiye ku-xigeenka gobolka Shabeellaha Hoose ayaa sheegay in dagaalka uu wali ka socdo deegaankaas, isla markaana ay dib ka faah faahin doonaan.
Wararka intaasi ku daraya inay jiraan in askar badan halkaasi lagu dile , balse si dhab ah looma oga khasaaraha rasmiga ah ee ka dhashay dagaaladan.