Waxaa maanta Magaalada Muqdisho soo gaaray Gudoomiyaha cusub ee Gobolka Banaadir ahna Duqa Magaalada Muqdisho Taabit Cabdi Maxamed.
Taabit 6-dii Bishan ayaa Madaxweynaha Somaliya wuxuu u magacaabay Gudoomiyaha Gobolka Banaadir ahna Duqa Magaalada Muqdisho, xilli Taabit uu ku sugnaa dalka Mareykanka.
Masuuliyiin ka tirsan Maamulka Gobolka Banaadir, Xildhibaano iyo Shaqaalaha dowladda hoose, ayaa ku soo dhaweeyay Garoonka Aadan Cadde Gudoomiyaha cusub ee Gobolka Banaadir.
Taabit Cabdi Maxamed oo si kooban Saxaafadda ula hadlay ayaa sheegay inuu aad ugu faraxsan yahay soo gaaritaanka Magaalada Muqdisho.