Naftii halaage ismiidaaminayey ayaa maanta waxaa uu qarax la beegsadey maqaaxi ay dad shacab ahi ku shaaheysanayeen oo ku taala magalada baledweyne ee gobolka hiiraan.
Qofkan oo waxyaabaha qaraxa isku soo xiray ayaa ka hor inta uusan is qarxin la sheegay in uu isa soo taagay ilinka hore ee maqaaxi oo xiligaa ay fadhiyeen dad aan tiro badneyn, waxaana mar kaliya laga war helay jugta qaraxa oo siweyn looga maqlay inta badan xaafaddaha magaalada Beledweyne.
Ilaa hadda waxaa la xaqiijinayaa dhimashada Saddex ruux oo uu ka mid yahay qofkii geystay weerarka ismiidaaminta ah oo wali qeybo ka mid ah jirkiisa lagu arkayo halka uu qaraxu ka dhacay.
Guddoomiyaha maamulka gobolka Hiiraan Cumar Aadan Ibraahim Baadiyoow oo shir jaraa’id goobta ku qabtay ayaa sheegay in labo ruux ku dhinteen qaraxa.