Shabeel ayaa weeraray dad ku sugnaa degmada Wanlaweyn ee gobolka Shabeellaha Hoose, sida ay warbaahinta u sheegeen dadka ku dhaqan degaanka.
Shabeelkan ayaa lagu soo waramayaa saakay in hal qof uu dilay, halka Todobo qof oo kalena uu ku dhaawacay Xaafadda Caanoole ee Degmada Wanlaweyn, kadib markii caruur meel ku ciyaareysay uu soo weeraray.
Dadka qaar ayaa isku dayay inay ka badbaadiyaan caruurta yar yar, waxaana Shabeelka uu isku wada maray caruurtii yar yaraa iyo dadkii waa weynaa ee isku dayayay inay caruurta badbaadiyaan.
Maamulka degmada Wanlaweyn ee gobolka Shabeellaha Hoose oo wada baaritaanada la xiriira dhacdadan ayaa ku jahwareersan halka uu ka soo galay Shabeelkan, maadaama degmada aysan laheyn Hood ama meel xayawaanada waa weyn ay ku nool yihiin.