Dagaalyahano loo maleynayo in ay ka tirsan yihiin Ururka Al-shabaab ayaa saaakay weerar Dhabo-Gal ah ku qaaday ciidamo ka tirsan howlgalka midowga Africa AMISOM xili ay marayeen meel aan ka fogeyn inta u dhaxeysa deegaanka Carbiska iyo Lafoole ee duleedka Muqdisho.
Dadka deegaanka ayaa sheegay in ciidamada AMISOM lagu weeraray Garneellada Garbaha laga tuuro iyo rasaasta qorshaha darandooriga u dhaca.
Ciidamada AMISOM ayaa ku jawaabay rasaas culus, taa oo keentay in iska horimaad kooban uu dhaxmaro labada dhinac.
Xaalada goobtii lagu dagaalamay ayaa haatan degan, waxaana gaaray ciidamo ka tirsan kuwa Dowladda Soomaaliya oo hadda goobta Gacanta ku haya.
Gobolka Shabeellaha hoose ayaa ah gobol marti geliyey dhamaan wixii xun ee dalka somaliya ka jira taasina wexey keentey in mar walba ay ka dhacaan dagaalo joogto ah ha ahaadaan kuwo ay maleegayaan alshabab ama kuwo ay maleegayaan maleeshiyo beeleedyo.